Fr�ttir fr� Sj�v�

Plástur á framrúðuna - Sparaðu þér eigin áhættuna

22.7.2010 17:28:41 GMT

Ef bílrúðan skemmist geta viðskiptavinir okkar sparað sér eigin áhættu af dýrum framrúðuskiptum með því að láta gera við rúðuna.

Þannig sleppa viðskiptavinir okkar við að greiða eigin áhættu af viðgerðinni þar sem viðgerð á framrúðu er mun ódýrari fyrir Sjóvá en framrúðuskipti.

Þessar viðgerðir eru því bæði viðskiptavinum og Sjóvá til hagsbóta auk þess sem þetta er jákvætt fyrir umhverfið því senda þarf færri bílrúður í endurvinnslu.

Með því að setja framrúðuplástur strax á skemmda rúðu aukast líkur á því að hægt sé að gera við bílrúðuna á hagkvæman hátt í stað þess að skipta um hana.

Plásturinn geta viðskiptavinir okkar nálgast í öllum útibúum Sjóvá um allt land.

Nánari upplýsingar um átakið og þau verkstæði sem geta gert við bílrúður má finna á síðunni www.sjova.is/plastur.

Fréttatilkynning um málefni Sjóvá

16.7.2010 14:40:41 GMT

Vegna fréttar í Fréttablaðinu 13. Júlí síðastliðinn um málefni Sjóvá-Almennra vill félagið koma að eftirfarandi tilkynningu:
Meðal eigna sem stofnendur lögðu félaginu til við stofnun voru skuldabréf Askar Capital og skuldabréf Avant. Skuldabréf Aska er tryggt með bréfum með ábyrgð ríkissjóðs og mun því fall Aska ekki hafa nein áhrif á Sjóvá. Skuldabréf Avant er tryggt með annars konar tryggingum sem tryggja skuldina að hluta en félagið mun ekki fara undir lágmörk FME vegna falls þess félags. Auk þess hafa stærstu eigendur ábyrgst að félagið muni standast skilyrði FME um eigið fé og gjaldþol með því að leggja félaginu til aukið fé ef þess þarf.
Félagið hefur verið í nánu sambandi við FME vegna þessa máls.
Tryggingarekstur Sjóvár er traustur og mun fall Avant engin áhrif hafa á viðskiptavini Sjóvár.

Sjóvá gefur reiðskólanum í Hafnarfirði öryggisvesti

16.7.2010 14:48:16 GMT

Sjóvá hefur undanfarin ár átt gott samstarf við reiðskóla hér á landi og styrkt þá með gjöf á öryggisvestum fyrir yngstu knapana. Hefur þetta mælst vel fyrir og lítur Sjóvá á þetta sem mikilvægan þátt í þeim forvörnum sem fyrirtækið hefur staðið fyrir undanfarin ár.
Sjóvá afhenti reiðskólanum í Hafnarfirði öryggisvesti á dögunum og munu þau án efa nýtast vel í því starfi sem þar á sér stað. Í reiðskólanum eru tuttugu börn fyrir hádegi og tuttugu börn eftir hádegi, en skólinn verður starfræktur á sumrin frá byrjun júní til ágústloka.
Sjóvá óskar reiðskólanum til hamingju með vestin og velfarnaðar í starfi.

Dómur Héraðsdóms Reykjavíkur vegna skattskyldu sjúkdómatryggingarbóta

12.7.2010 14:11:05 GMT

Í dag var kveðinn upp héraðsdómur sem staðfestir túlkun yfirskattanefndar um skattskyldu bóta úr sjúkdómatryggingu. Kona sem fékk bætur úr sjúkdómatryggingu Friends Provident árið 2007 höfðaði mál gegn íslenska ríkinu til þess að fá úrskurði yfirskattanefndar hnekkt en tapaði málinu. Málinu verður áfrýjað til Hæstaréttar.

Mikilvægt er að upplýsa um það óvissuástand sem uppi er vegna skattskyldu við sölu og afgreiðslu sjúkdómatrygginga. Það er ekki fyrr en við dóm Hæstaréttar sem endanleg niðurstaða verður en við höfum verið að upplýsa tjónþola sem fá greiddar bætur um þessa stöðu síðan í vetur. Mikilvægt er að sölufólk gefi ekki út upplýsingar um óyggjandi skattfrelsi þessara bóta. Það skal þó upplýst að skattyfirvöld hafa enn ekki brugðist sérstaklega við með því að biðja um upplýsingar um greiddar bætur aftur í tímann. Óljóst er því hvort tjónþolar fái rukkun aftur í tímann eins og staðan er í dag. Unnið er að því að fá lögunum breytt.

Dómurinn í heild er hér: http://domstolar.is/domaleit/nanar/?ID=E200910220&Domur=2&type=1&Serial=1&Words

Viðvörun vegna hvassviðris

6.7.2010 10:45:46 GMT

Búist er við norðaustan hvassviðri í kvöld og fram á morgundaginn, einkum við suðurströndina. Þar geta vindhviður náð allt að 40 m/s.

Ferðalöngum er bent að fylgjast með veðurfréttum og kynna sér spár á vef veðurstofunnar. Einnig er hægt að kynna sér vindasama staði á vindakorti Sjóvá og í yfirliti yfir vindasama staði.

Sjóvá kvennahlaup ÍSÍ 2010

21.6.2010 16:40:34 GMT

Sjóvá Kvennahlaup ÍSÍ fór fram í tuttugasta og fyrsta sinn, í dag, laugardaginn 19. júní.

Sjóvá tekur þátt í samstarfshópi um fækkun eldsvoða á heimilum

2.6.2010 14:32:39 GMT

1. júní 2010 skrifaði Lárus Ásgeirsson forstjóri fyrir hönd Sjóvá undir samkomulag um stofnun samstarfshóps sem hefur það markmið að fækka og koma í veg fyrir eldsvoða á heimilum. Aðild að samstarfshópnum eiga tryggingarfélögin, Brunamálastofnun og Slökkvilið höfuðborgarsvæðisins auk þess sem Eignarhaldsfélagið Brunabótafélag Íslands, Slysavarnafélagið Landsbjörg, Félag Slökkviliðsstjóra og Landssamband slökkviliðs- og sjúkraflutningamanna eru aðilar að samkomulaginu.

Traustur vátryggingarekstur hjá Sjóvá

30.4.2010 16:20:48 GMT

„Vel heppnuð endurskipulagning skilar góðum rekstri.“

Aðalfundur Sjóvá-Almennra trygginga hf. var haldin föstudaginn 30. apríl og var ársreikningur félagsins samþykktur. Stjórn félagsins er óbreytt og er skipuð Heimi V Haraldsyni stjórnarformanni, Ernu Gísladóttur, Kristjáni Ragnarssyni, Þórhildi Ólöfu Helgadóttur og Þórólfi Jónssyni.

Betri sjúkdómatrygging fyrir sama verð

20.4.2010 13:32:43 GMT

Nú um áramót tóku gildi nýir skilmálar í sjúkdómatryggingu þar sem bótaþáttum hefur verið fjölgað úr 16 í 21. Ákveðið hefur verið að fjölgun bótaþátta muni jafnframt gilda um eldri sjúkdómatryggingarskilmála frá og með 1. janúar 2010 án aukaiðgjalds.

Tvöfölduðu endurgreiðslu sína

17.3.2010 13:53:26 GMT

Viðskiptavinir sem fengu Stofnendurgreiðslu áttu kost á því að tvöfalda endurgreiðsluna með því að ráðstafa henni rafrænt á vef Sjóvá. Nú höfum við dregið út 10 heppna Stofnfélaga sem má sjá hér að neðan.

Stór hluti þeirra sem fengu endurgreiðslu völdu að ráðstafa henni rafrænt og kynntust um leið nýjum þjónustuvef viðskiptavina Sjóvá. Á þjónustuvefnum geta viðskiptavinir fengið yfirlit yfir viðskipti sín en einnig fengið ráðgjöf um tryggingaþörf sína.

Hægt er að sækja um aðgang að Mínum síðum hjá Sjóvá hér.

Vinningshafar í happdrætti Torgasölu Sjóvár

1.3.2010 13:22:50 GMT

Undanfarnar vikur hefur Sjóvá kynnt viðskiptavinum Kringlunnar Vegaaðstoð og Nágrannavörslu Sjóvá. Af því tilefni bauð Sjóvá gestum og gangandi að skrá sig í vinningspott.

Nú hafa heppnir vinningshafar verið dregnir út og hlutu þau gjafabréf í kringlunni að upphæð 20.000. krónur. Sjóvá þakkar góða þátttöku og óskar vinningshöfunum til hamingju en þeir eru Jóna M. Magnúsdóttir, Viðar Jensson og Árni Gunnarsson.

Sjóvá hefur farið af stað með samskonar leiki í tengslum við Torgasölu í Kringlunni og verður dregið úr þeim pottum 19. apríl. og 19. júní n.k.

Á meðfylgjandi mynd eru vinningshafarnir sem dregnir voru út núna í febrúar með Arthúr Vilhelm Jóhannessyni forstöðumanni Sölu- og ráðgafar hjá Sjóvá.

Vegna umfjöllunar Morgunblaðsins um málefni Sjóvár vill félagið koma eftirfarandi á framfæri

19.1.2010 11:57:03 GMT

Vegna umfjöllunar Morgunblaðsins um málefni Sjóvár vill félagið koma eftirfarandi á framfæri.
Í fyrirsögn fréttar blaðsins er því slegið upp að „Álftaneslaugin fjármagni Sjóvá.“
Þetta rangt. Um er að ræða hefðbundið fyrirtækjaskuldarbréf á fasteignafélagið Fasteign með veðum í leigugreiðslum sveitarfélagsins af íþróttamannvirkjum og skólasvæði. Umrætt skuldabréf nemur einungis um 2% af heildareignum félagsins. Sundlaugin er meðal eigna sveitarfélagsins sem standa til tryggingar þessara greiðslna. Fjárhagur sveitarfélagsins hefur þannig hverfandi áhrif á eignasafn Sjóvár.

Sjóvá-Almennar tryggingar hf. í opið söluferli

15.1.2010 16:25:16 GMT

Meðfylgjandi er fréttatilkynning frá Íslandsbanka um opið söluferli á hlutafé í Sjóvá-Almennum tryggingum hf.

Sjóvá er í Ólympíufjölskyldu ÍSÍ

7.1.2010 12:02:00 GMT

Þriðjudaginn 5. janúar var undirritaður samstarfssamningur um þátttöku Sjóvá í Ólympíufjölskyldu ÍSÍ. Sjóvá hefur til margra ára verið dyggur stuðningsaðili ÍSÍ og við erum stolt af samstarfi okkar við íþróttahreyfinguna.

Samstarf við Græna framtíð

14.12.2009 16:29:08 GMT

Sjóvá og Græn framtíð hafa gert með sér samstarfssamning sem felur í sér að Græn framtíð tekur að sér umhverfisvæna endurnýtingu og endurvinnslu á raftækjum sem fellur til vegna tjónamála viðskiptavina Sjóvár.

Sjóvá styður Fjölskylduhjálp Íslands

14.12.2009 16:19:45 GMT

Í ár mun Sjóvá ekki senda viðskiptavinum sínum hefðbundin jólakort. Við það sparast umtalsverð upphæð og var ákveðið að nota þá fjármuni til að veita Fjölskylduhjálp Íslands aðstoð. Fimmtudaginn 10. desember var árleg hátíðarstund starfsmanna Sjóvár í Háteigskirkju. Við það tækifæri færði Lárus Ásgeirsson forstjóri Sjóvár Fjölskylduhjálpinni styrk að upphæð 200.000 krónur.

Viðurkenning frá Slökkviliði Grindavíkurbæjar

3.12.2009 09:44:33 GMT

Nú nýlega fékk Sjóvá viðurkenningu frá Slökkviliðinu í Grindavík vegna styrks sem félagið veitti slökkviliðinu.

Forvarnahúsið tekur þátt í kynningu á Nágrannavörslu í Vogum

30.11.2009 11:53:55 GMT

Í kvöld verður opinn fundur um öryggi og forvarnir í Vogum. Sérfræðingar Forvarnahússins ásamt lögreglu og fulltrúm sveitarfélagsins munu kynna öryggi og forvarnir. Sérstaklega verður farið yfir nágrannavörslu með það að markmiði að hún komist á í Vogum.

Fundurinn verður haldinn í Tjarnarsal Stóru-Vogaskóla og hefst klukkan 20:00. Gert er ráð fyrir að fundinum verði lokið klukkan 22:00.

Nágrannavarsla í Mosfellsbæ

30.11.2009 12:17:50 GMT

Eftirfarandi fréttatilkynning er á vef Mosfellsbæjar:

Mosfellsbær, Sjóvá og Lögregla höfuðborgarsvæðisins hafa hafið samstarf um nágrannavörslu í Mosfellsbæ í samvinnu við íbúa.

Nágrannavarsla hefur fyrir löngu sannað sig sem mikilvægur hlekkur í að fækka glæpum og þá sérstaklega innbrotum á heimili, í bíla og almennum þjófnaði á eigum fólks. Þar sem nágrannavarsla er virk hefur skemmdarverkum einnig fækkað og dregið úr veggjakroti.

Nágrannavarsla felst í samvinnu nágranna um að gera umhverfi sitt og heimili öruggari. Með því móti er leitast við að draga úr innbrotum, þjófnaði og skemmdarverkum. Nágrannavarsla hefur verið þekkt í áratugi og hefur víða verið sett upp með góðum árangri bæði á Íslandi og víða erlendis.

Lárus Ásgeirsson nýr forstjóri Sjóvá

10.11.2009 13:52:38 GMT

Stjórn Sjóvá-Almennra Trygginga hf. hefur ráðið Lárus Ásgeirsson sem forstjóra félagsins frá 9. nóvember. Lárus tekur við af Herði Arnarsyni sem ráðinn hefur verið forstjóri Landsvirkjunar.